م
مفتی محمد تقی عثمانی صاحب مصروف حضرات/خواتین کیلئے عشرہ ذوالحجہ سے فائدہ اٹھانے کا آسان دستور العمل
اگر وقت کی قلت یا گھریلو اور کاروباری زمہ داریوں کی بنا پر زیادہ وقت عبادات کو نہ دے سکیں تب بھی مندرجہ زیل اعمال کے اہتمام سے ان شاءاللہ اس عشرہ کی برکات کسی حد تک حاصل کی جاسکتی ہیں۔
پانچ وقت باجماعت نمازوں کا اہتمام کریں(خواتین گھر میں اول وقت میں ادا کریں)۔
ہر قسم کے گناہوں سے بچنے کاخصوصی اہتمام کریں ورنہ محنت کے باوجود عبادات کا نور اور حقیقی نفع حاصل نہیں ہوگا۔
بالخصوص اپنی نظروں اور زبان کی حفاظت کریں۔
ذولحجہ کا چاند دیکھنے سے لیکر قربانی کرنے تک اپنے جسم کے بال اور ناخن نہ تراشیں, یہ مستحب عمل ہے۔
فرض نمازوں کے بعد تسبیح فاطمی (33 سبحان اللہ، 33 الحمدللہ، 34, اللہ اکبر پڑھیں۔
کم از کم یوم عرفہ یعنی 9 ذوالحجہ کا روزہ، ورنہ اس عشرے میں جتنے روزہ رکھ سکیں اتنا بہتر ہے۔
چلتے پھرتے زیادہ سے زیادہ الله اكبر، الله اكبر، لا اله الا الله والله اكبر، الله اكبر ولله الحمد کا ورد کریں۔
چلتے پھرتے زیادہ سے زیادہ تیسرے کلمے کا ورد کریں۔ ( سبحان الله والحمدلله ولا اله الا الله والله اكبر )۔چلتے پھرتے درود شریف کا ورد کریں۔
کم از کم 15-10 منٹ روزانہ ترتیب سے تلاوت قرآن کا اہتمام کریں۔
نماز مغرب میں 3 فرض، 2 سنت اور 2 نفل کے بعد 2 نفل مزید نماز اوابین کی نیت سے ادا کرلیں۔
نماز عشاء میں 4 فرض، 2 سنت کے بعد وتر سے پہلے2/4 رکعات تہجد کی نیت سے ادا کرلیں اسکے بعد وتر ادا کرلیں۔
اگر رات میں توفیق ہوجائے تو مزید
رکعات تہجد ادا کرلیں لیکن عشاء کے ساتھ ادا کرنے سے کم از کم تہجد سے محرومی نہیں ہوگی۔
حسب استطاعت صدقہ و خیرات کریں۔
رات کو سونے سے پہلے تسبیح فاطمی، درود شریف، استغفار اور دعا پڑھیں۔
اور سب سے بڑھ کر کوشش کریں کہ اپنی زبان یا کسی عمل سے کسی دوسرے کو ادنیٰ تکلیف بھی نہ پہنچے اور اگر پہنچ جائے معافی مانگنے میں دیر نہ کریں۔
یاد رکھیں، اللہ کے بندوں کو تکلیف پہنچاکر اللہ کی رضا کا حصول ناممکن ہے۔
اللہ تعالیٰ ہم سب کو عمل کی توفیق عطا فرمائے۔
اس پیغام کو اپنے دوست احباب تک پہنچا کر صدقہ جاریہ میں شامل ہوجائیں۔
آپکو ہماری پوسٹ کیسی لگی؟ کومینٹ کرکے اپنی رائے کا اظہار کریں شکریہ۔
0 تبصرے