. 


بچوں کے موبائل کی نگرانی کیجیے۔


موبائل فون کے غلط استعمال سے اپنے بچوں کو بچائیں۔


 اس مضمون میں راقم ایک تیکنک سے قارئین کو آگاہ کرنا چاہتا ہے۔جس کے ذریعہ آپ اپنے بچوں کی موبائل(اسمارٹ فون) نیز انٹرنیٹ کی سرگرمیوں کی نگرانی کر سکتے ہیں۔یقیناً آپ کے گھر میں سات سے چودہ سال تک کے بچے ہوں گے۔یہ تکنالوجی کا دور ہے۔اہل ایماں کی اکثریت نے اپنے بچوں کی ضد پر یا کسی اور مجبوری کے تحت اپنے بچوں کے ہاتھ میں اسمارٹ فون پکڑا دیا ہے۔ آپ اپنے بچوں کو کمپیوٹر، انٹر نیٹ اور موبائل(اسمارٹ فون) سے دور بھی نہیں رکھ سکتے اس لیے کے عام حالات میں عموماً اوروبائی دور میں توخصوصاً آن لائن کلاسیس بچوں کے لیے منعقد ہو رہی ہیں۔غرض تعلیمی سر گرمیوں کی بات کی جائے تو موبائل(اسمارٹ فون)، انٹر نیٹ اور کمپیوٹر کا استعمال نا گزیر ہے۔یاد رہے کہ بچوں میں تجسس بہت زیادہ ہوتا ہے جس کی وجہ سے وہ اپنے نفع نقصان سے بے گانہ ہو کر نیٹ کا استعمال کرتے ہیں۔نیز اسکول کے بچوں میں کچھ بچے ذہنی پراگندگی  کا شکار ہوتے ہیں وہ ہر کسی بچے کو دعوت گناہ دیتے رہتے ہیں جو ہو سکتاہے آپ کے بچے کو بھی اپنی لپیٹ میں لے لے۔صحبت غلط کے علاوہ اور بھی بہت سے عوامل ہیں  جو آپ کے بچے کا مستقبل تباہ کر سکتے ہیں۔اس سے پہلے کہ آپ کو شرمندگی اٹھانا پڑے، راقم کی تجویز پر غور کریں۔

 اپنے موبائیل کے  پلے اسٹور سے 

"Google Family Link for parent"

  نامی اپپ کو ڈاؤن لوڈ کریں۔من و عن ایپ اپنے بچے کے موبائل میں بھی ڈؤن لوڈ کریں۔دونوں ایپ کو ایکساتھ اوپن کریں۔اپنے موبائل کو نگراں (سپر وائیزر) قرار دیں۔پھر جو ہدایات  ملیں ان کو مرحلہ وار فالو کریں۔اس ایپ کا فائدہ یہ ہے کہ آپ اپنے بچے کی موبائل سرگرمیوں سے متعلق حسب ذیل باتوں سے کسی بھی وقت آگاہ  ہو سکتے ہیں

اس نے کس ویب سائیٹ کو اوپن کیا۔

کس ویڈیو کو دیکھا۔

دن بھر کتنی دیر وہ مو بائیل کے ساتھ وابستہ رہا۔

نیز ایک اور فائدہ اس ایپ کا یہ ہے کہ جب کبھی آپکا بچہ

کوئی گیم ڈاؤن لوڈ کرنے لگے گا یا کسی بھی ویب سائیٹ کو کھولنے  کی کوشش کرے گا تو براوزر پہلے آپ سے اجازت مانگے گا۔غرض آپ جن ویڈیوز اور گیمز کی اجازت دیں گے آپ کا بچہ وہی ویڈیو یا گیم   یا ویب سائیٹ اوپن کر سکتا ہے۔نیز آپ جب چاہے،کسی گیم یا ایپ کو جو آپ کے بچے کے موبائل میں ہے،  بلاک کر سکتے ہیں۔جو آپ کے بچے کے موبائل سے غائب ہو جائے گا۔جب تک آپ کی اجازت نہیں ہو گی وہ نہیں کھول سکے گا۔

اسی طرح اپنے گوگل براؤزر میں جا کر سیٹنگ

میں جائیں اور سیف سرچ فلٹر  میں جائیں اور فلٹر ایگزلیکٹ رزلٹ کو سلیکٹ کریں۔

 اسی طرح ویڈیومیں ڈو نوٹ آٹو پلے سلیکٹ کریں۔ اسی طرح پلے اسٹور میں جائیں۔ سیٹنگ میں جائیں اور پیرنٹل کنٹرول کو آن کریں۔امید ہیں اتنا کرنے سے آپ اور آپ کے بچے کا موبائل نا مناسب مواد سے پاک ہو جائے گا۔لیکن اس سب سے زیادہ اہم یہ ہے کہ اللہ کا ذکر کثرت سے کیا جائے کہ وہی مومن کے لیے ہتھیار ہے۔نیز دشمن جب کسی پر قابو پاتا ہے تو سب سے پہلے اس سے ہتھیار نیچے رکھنے کو یا چھوڑنے کو کہتا ہے یا اسے حاصل کر لیتا ہے۔شیطان کا جب کسی پر زور چلتا ہے تو وہ اسے اللہ کے ذکر سے غافل کرتا ہے جیسا کہ *اِسْتَحْوَذَ عَلَیْھِمُ الشَّیْطٰنُ فَاَنْسٰھُمْ ذِکْرَ اللّٰہِ اُوْلٰئِکَ حِزْبُ الشَّیْطٰنِ اَلَآ اِنَّ حِزْبَ الشَّیْطٰنِ ھُمُ الْخٰسِرُوْنَ﴾ [المجادلہ:19]*   سے ثابت ہے۔

آج سارے عالم میں والدین  کے لیے یہ بات لمحہ فکریہ ہے کہ وہ کس طرح اپنے بچوں کی موبائل سرگرمیوں پر نظر رکھیں۔مخرب اخلاق اور حیا سوز ویڈیوز اور گیمز سے بچوں کو کس طرح بچائیںے؟ ان کے اوقات کی کس طرح حفاظت کریں؟اس وقت سارے عالم میں عریانیت کا سیلاب آیا ہوا ہے۔آئے دن اخبارات میں اسکول کے بچوں کی حیا سوز خبریں آتی رہتی ہیں۔ بچے تو کیا بڑے لوگ، عزیمت سے پہلو تہی کا شکار ہیں۔


اللہ پاک راقم کو بھی اور قارئین کو بھی اپنے نیک بندوں کے گروہ میں شامل فرمائے۔شیطان کے مکر و فریب کو سمجھنے نیز اس سے بچنے کی توفیق نصیب فرمائے، ہمارے بچوں کے مستقبل کی حفاظت فرمائے اور ان میں آخرت کا شعور بیدار فرمائے۔آمین۔

!کومینٹ کرکے اپنی رائے کا اظہار کریں ۔شکریہ