بچوں کا وقت کیسے مینیج کیا جائے؟

 

*.           بچـــوں کـــی تربیتـــ*

بچوں کا وقت کیسے مینیج  کیا جائے                      

                    *منقول*```

  علی اٹھ جائیے ۔۔۔۔ بابا وضو کے لیۓ جا چکے ہیں ۔۔۔۔ اگر آپ اب بھی نہیں اٹھیں گے تو بابا سے یقیناً صبح ہی صبح ڈانٹ کھائیں گے ۔۔۔۔ ثانیہ نو سالہ علی کو صبح کے چھ بجے نمازِ فجرکے لیۓ جگانے کی ناکام کوشش کر رہی تھی ۔۔۔۔ 

وہ ماں کی آواز سن کر کمبل کو مزید اچھی طرح سے اپنے گرد لپیٹنے کی کوشش کرتے ہوئے روہانسی آواز میں بولا ۔۔۔۔اماں!! بہت نیند آرہی ہے ۔۔۔۔ 

اوں ۔۔۔ ہوں ۔۔۔ ہوں ۔۔۔ وہ کسی طرح سے اٹھنے پر آمادہ نہ تھا۔۔۔ یہ کوئی نیا کام نہ تھا ۔۔۔۔ روز صبح صبح وہ یونہی فجر کے وقت۔۔۔۔ دو چار آنسو بہا کر ۔۔۔۔ مسجد جانے کی بجائے گھر میں سویا پڑا رہتا۔ جبکہ زکریا اور حارث باپ کے ساتھ وضو کر کے مسجد کی جانب روانہ ہو جاتے ۔۔۔۔ 

بچوں کو کنٹرول کرنا کس قدر مشکل کام ہے ۔۔۔۔ کسی کو نماز کا کہو ۔۔۔ تو کسی کو نہانے کے لیۓ بھیجو ۔۔۔ کسی کو ٹی وی کے سامنے سے اٹھاؤ ۔۔۔ تو کسی کو گھر کی سیٹنگ خراب کرنے پہ ٹوکو ۔۔۔ اوہ اف ۔۔۔ 

ہنڈیا میں چمچ چلاتے چلاتے ثانیہ کا ذہن بچوں کی طرف ہی تھا ۔۔۔۔ 

یہ بچے ہم ماؤں کو ایک Raw material ۔۔۔۔ خام مال کے طور پر ملتے ہیں ۔۔۔ انہیں بہتر سے بہتر شکل میں ڈھالنا ہر ماں کے لیۓ ایک چیلنج ہوتا ہے ۔۔۔ 

ہاں ۔۔۔ شائد زندگی کا سب سے بڑا چیلنج ۔۔۔ مگر رونا تو اسی بات کا ہے کہ شائد یہ Issue ۔۔۔۔ یعنی بچوں کی بہترین تربیت کا Issue ۔۔۔۔ آج کے دور میں صرف اچھا کھلانے پلانے اور  بہترین سہولیات مہیا کرنے تک محدود ہو گیا ہے ۔۔۔۔ 

یعنی ہر اس چیز کی طرف ہماری توجہ ہوتی ہے ۔۔۔ کہ جو انہیں جسمانی طور پر زیادہ سے زیادہ آسودہ کر سکے ۔۔۔۔ روح ۔۔۔ جس کی صحت پر انسان کی دنیاوی و اُخروی کامیابی کا دارومدار ہے ۔۔۔۔ اسے تو جیسے ہم بھلا ہی بیٹھے ہیں۔۔۔۔ 

اللہ   ۔۔۔ کیا کروں ۔۔۔۔؟؟ 

بول بول کر سارا دن نڈھال ہو جاتی ہوں ۔۔۔ اتنا detrack ہو جاتے ہیں کہ ۔۔۔ الاماں ۔۔۔

پتہ نہیں میری زندگی کا بس یہی مقصد رہ گیا ہے ۔۔۔۔ کہ میں سارا دن ان کے ساتھ مغز ماری کرتی رہوں ۔۔۔۔

یا اللہ جی ۔۔۔۔!! کوئی ایسا طریقہ سجھا دیجیۓ نا کہ یہ اپنی ذمہ داریوں کو از خود محسوس کرنے لگیں۔۔۔۔ خود بخود نماز پڑھنے مسجد جایا کریں ۔۔۔۔ بال بکھرے دیکھیں تو کنگھی کر لیا کریں ۔۔۔ کوئی چیز بکھری دیکھیں تو درست کردیا کریں ۔۔۔ صبح شام کے اذکار بھی ۔۔۔ میرے کہے بغیر خود ہی کرلیا کریں۔۔۔ 

پانچ بجے مجھے سودا منگوانا ہوتا ہے تو زکریا خود ہی ۔۔۔۔ کسی الہ دین کے چراغ کی مانند پہنچ جایا کرے ۔۔۔

اے میرے پیارے اللہ  جی۔۔۔۔!! کوئی ایسا طریقہ سجھا دیجیۓ نا ۔۔۔۔

اس نے آسمان کی طرف نگاہیں اٹھا کر اس کی جانب دیکھا ۔۔۔ جسے وہ اپنے دل کی آنکھوں سے ہر لمحہ ۔۔۔۔ اتنا واضح دیکھتی تھی کہ اتنا واضح ۔۔۔۔ شائد سامنے پڑی چیز بھی نہ دیکھتی ۔۔۔۔ 

اور پھر اسی دن ۔۔۔۔ جب وہ بچوں کو چھوٹی چھوٹی ایسی باتیں سمجھا رہی تھی ۔۔۔ کہ جس کے بارے میں اسے روز ہی انہیں کہنا پڑتا تھا ۔۔۔۔ ایک خیال بجلی کی طرح دماغ میں لپکا ۔۔۔ 

خیال تھا ۔۔۔۔ یا روشنی کی کوئی کرن تھی ۔۔۔ کہ جس نے سارا منظر اس کے سامنے واضح کردیا۔۔۔۔ ```

*ہم تو مائل بہ کرم ہیں کوئی سائل ہی نہیں*

بے شک غبار اس کے حکم سے چھٹتے ہیں ۔۔۔۔ نگاہوں پر پڑے پردے اسی کی رحمت سے گرتے ہیں ۔۔۔ عقل پر چھایا اندھیرا ۔۔۔ اسی رحمان و رحیم کی مہربانی سے اجالے میں تبدیل ہوتا ہے ۔۔۔۔ 

آج وہ اسٹڈی روم میں بچوں کو پڑھانے کی لیۓ بیٹھی ۔۔۔۔ تو پہلے کچھ وقت لگا کر ایسا کام کیا کہ ۔۔۔۔  جو اس کی اور بچوں کی زندگی میں ۔۔۔۔ ایک بہت بڑا چینج لے کر آیا ۔۔۔۔ 

*جس میں نہ ہو انقلاب ۔۔۔۔ موت ہے وہ زندگی*

تبدیلی ۔۔۔۔ انسانی زندگی کی فلاح لیۓ لازم و ملزوم ہے ۔۔۔ جو لوگ تبدیلی سے گریز کرتے ہیں ۔۔۔۔ زندگی کی دوڑ میں بہت پیچھے رہ جاتے ہیں ۔۔۔۔ 

اس نے بچوں کے ساتھ مل کر ان کے پورے دن کی مصروفیات کی منصوبہ بندی کی ۔۔۔ بچوں سے کہا کہ وہ گھر میں جو کچھ کرنا چاہتے ہیں ۔۔۔۔ سب ایک صفحے پر لکھیں ۔۔۔۔ 

اس سلسلے میں جو اس کی اپنی ڈیمانڈز تھیں وہ بھی ایک صفحے پر لکھیں ۔۔۔۔ جب ساری مصروفیات سامنے آگئیں تو انہیں ہر ایک کے ٹائم ٹیبل میں کچھ اس طرح سے ایڈجسٹ کیا کہ بچے بھی خوش تھے ۔۔۔۔ اور وہ خود بھی ۔۔۔۔

زکریا کا ٹائم ٹیبل کچھ اس طرح سے تھا ۔۔۔۔

🍃 *پانچ سے چھ ۔۔۔۔*

 صبح کے اذکار +  قرآن کریم کےدو رکوع + واک 

🍃 *چھ سے سات ۔۔۔* 

سنت گھر پر پڑھنا + نمازِ فجر باجماعت + نہانا 

🍃 *سات سے آٹھ ۔۔۔۔*

اسکول کی تیاری + روانگی 

🍃 *آٹھ سے دو ۔۔۔۔*

اسکول 

🍃 *دو سے ڈھائی ۔۔۔*

نمازِ ظہر + کپڑے تبدیل کرنا 

🍃 *ڈھائی سے ساڑھے تین ۔۔۔*

دوپہر کا کھانا 

🍃 *ساڑھے تین سے پانچ ۔۔۔۔*

ہوم ورک + عصر 

🍃 *پانچ سے ساڑھے پانچ ۔۔۔۔*

سودا سلف لانا 

🍃 *ساڑھے پانچ سے چھ ۔۔۔۔*

کرکٹ کھیلنا 

🍃 *چھ سے ساڑھے چھ ۔۔۔۔*

نمازِ مغرب + شام کے اذکار 

🍃 *ساڑھے چھ سے ساڑھے سات ۔۔۔*

موبائل پر گیم کھیلنا یا میچ دیکھنا یا ترانے سننا 

🍃 *ساڑھے سات سے ساڑھے آٹھ ۔۔۔۔*

نمازِ عشاء + رات کا کھانا 

🍃 *ساڑھے آٹھ سے نو ۔۔۔۔*

اسکول کا جوتا پالش + جوتے میں جرابیں رکھنا + یونیفارم استری کرنا + بیگ پورا کرنا 

🍃 *نو سے نو بیس ۔۔۔۔*

ڈاکٹر فرھت صاحبہ کے لیکچرز سننا 

🍃 *نو بیس سے نو چالیس ۔۔۔۔*

کتاب غم نہ کریں پڑھنا 

🍃 *نو چالیس سے دس ۔۔۔*

سورہ المک پڑھنا + دو رکوع کا ترجمہ اماں کو سنانا 

🍃 *دس سے دس بیس ۔۔۔۔*

رات کے اذکار

 🍃 *دس بیس سے چھ ۔۔۔۔*

باوضو ہو کر سونا 

🍁 *متفرق اصول ۔۔۔۔*

💦 ہر وقت باوضو رہنا 

💦 اونچا نہ بولنا 

💦 کسی پر غصہ آئے تو کنٹرول کرنا اور خاموش رہنا 

💦 کسی کو پاگل یا گندا نہ کہنا 

💦 کپڑے پاک رکھنا اور واش روم میں خصوصی احتیاط کرنا 

💦 ہر وضو میں دانت برش کرنا 

💦 ہر وضو کے بعد بالوں میں برش کرنا 

💦 چلتے پھرتے درود پاک پڑھنا اور استغفار کرنا 

💦 ہر ایک گھنٹے بعد ایک گلاس پانی پینا 

💦 خوامخواہ کسی بہن بھائی کی بات میں ٹانگ نہ اڑانا 

💦 چھوٹوں سے شفقت اور بڑوں کا ادب۔۔۔۔ اس اصول کی سختی سے پابندی کرنا 

💦 باوضو ہو کر سونا 

💦 اصول توڑنے سے اجتناب کرنا 

چھوٹے بچوں پر چونکہ سودا سلف لانے کی ذمہ داری نہ تھی ۔۔۔۔ سو ان کے ٹائم ٹیبل میں سودا سلف لانے کی جگہ ۔۔۔۔ گھر سیٹ کرنا اور فرنیچر صاف کرنا لکھوا دیا ۔۔۔۔ 

اس کے علاوہ انہیں میچ دیکھنے کا شوق نہیں تھا ۔۔۔۔ سو اس کام کو ڈرائنگ یا کارڈ میکنگ یا کسی بھی enjoyful activity کے لیۓ رکھ دیا ۔۔۔۔ باقی ان کا اور زکریا کا شیڈول ایک تھا ۔۔۔۔ متفرق اصولوں کو لکھنا اور ان کو عمل پر آمادہ کرنا آسان نہ تھا ۔۔۔۔

ہر اصول کی اہمیت اور ضرورت کو سمجھانا پڑا ۔۔۔۔ تب جاکر وہ ان کو اپنی زندگی میں شامل کرنے پر آمادہ  ہوئے ۔۔۔۔ 

میرے بچو۔۔۔۔!! قبر میں ایسے شخص کو سخت عذاب ہوتا ہے ۔۔۔ جو پیشاب کے چھینٹوں سے احتیاط نہیں کرتا ۔۔۔۔ ناپاک لوگوں کے پاس فرشتے نہیں آتے ۔۔۔ پانی نہ پینے سے بھی بہت سی بیماریاں لاحق ہونے کا خطرہ ہوتا ہے ۔۔۔۔ 

کسی کی باتوں میں خواہ مخواہ ٹانگ اٹکانے سے ۔۔۔۔ اپنا وقت یعنی اپنی زندگی خراب ہوتی ہے ۔۔۔  

کسی کو پاگل یا گندہ کہنا لعن طعن کے زمرے میں آتا ہے ۔۔۔۔ 

اور قرآنِ پاک میں لعن طعن کرنے والے کو ۔۔۔۔  سورہ الھمزہ میں تباہی کا مژدہ سنایا گیا ہے ۔۔۔۔ 

درودِ پاک پڑھنے سے آپ پر ڈھیروں رحمتیں اور برکتیں نازل ہوں گی ۔۔۔۔ گریڈز بلند ہوں گے ۔۔۔ غلطیاں معاف ہوں گی ۔۔۔۔ 

استغفار کرنے پر آپ کو اللہ تعالیٰ کی طرف سے ڈھیروں گفٹس ملیں گے ۔۔۔۔ جن کے بارے میں آپ نے سوچا بھی نہ ہوگا ۔۔۔۔ ہر وضو میں پیارے نبی صلی اللہ علیہ وسلم مسواک کیا کرتے تھے۔۔۔۔ فی الحال آپ برش تو کیا کریں ۔۔۔

اور اسی طرح کی کئی چیزوں کو brief کرتے کرتے آج وہ بہت خوش تھی کہ وہ جان رہی تھی کہ آج ۔۔۔۔ وہ صرف آج کے لیۓ نہیں بول رہی بلکہ یہ چیزیں ان شاء اللہ مستقل ان پھولوں کی زندگی کا جزو بنیں گی ۔۔۔۔ 

ان کی زندگی کو سجائیں گی سنواریں گی ۔۔۔۔ 

ہم ڈاکٹر فرھت صاحبہ کے لیکچر کیوں سنے ۔۔۔۔؟؟ 

یہ ماروی تھی ۔۔۔۔ 

میری بیٹی ۔۔۔۔ یہ لیکچرز آپ کے گھٹے ہوئے ذہن کو کھول کر ۔۔۔۔ زندگی گزانے کے ڈھنگ سکھائیں گے ۔۔۔۔ 

اگر آپ نے ان سے فائدہ نہ اٹھایا تو یہ بدقسمتی ہو گی ۔۔۔۔ 

اچھا ۔۔۔۔ تو سورہ الملک کیوں پڑھ کر سوئیں ۔۔۔؟؟ وہ پھر بولی ۔۔۔

قبر سے کتنا ڈر لگتا ہے نا ۔۔۔۔ تو یہ قبر میں انسان کی سفارش کرے گی ۔۔۔۔  تو کیا آپ نہیں چاہتے کہ قبر میں کوئی آپ کی سفارش کرنے والا ہو ۔۔۔۔؟ 

آنے والے وقت نے ثابت کیا کہ بچوں کی وقت کی پلاننگ نے ۔۔۔۔ جیسے گھر کا سارا منظر ہی بدل دیا ۔۔۔۔ ٹائم ٹیبل ان کے اسٹڈی ٹیبل کی  ٹرانسپیرنٹ شیٹ کے نیچے ایڈجسٹ کردیئے گئے ۔۔۔۔ تاکہ ہر بچہ ۔۔۔۔ با آسانی ۔۔۔ چلتے پھرتے انہیں  دیکھ سکے ۔۔۔۔ 

وہ کام ۔۔۔۔ جنہیں بچوں کی زندگی میں شامل کرنا وہ بہت مشکل سمجھتی تھی ۔۔۔۔ انتہائی آسان ہو چکے تھے ۔۔۔ کوشش کے ساتھ دعا نہ ہو تو نتائج کا حصول سخت مشکل ہوتا ہے ۔۔۔۔ مگر ۔۔۔ یہاں تو دونوں چیزیں موجو تھیں ۔۔۔ سو رزلٹ شاندار تھا۔۔۔ 

بچے جانتے تھے کہ ۔۔۔۔ ان کی گیمز کے لیۓ بھی وقت موجود ہے ۔۔۔۔ انکی ٹیبلٹ کے لیۓ بھی وقت موجود ہے ۔۔۔۔ اگرچہ ماں کی نگرانی میں ہی سہی ۔۔۔۔ اور دوسری چیزیں کھیلنے کے لیۓ بھی وقت موجود ہے ۔۔۔ تو پھر وہ ہر کام کو ۔۔۔۔ اس کے مقررہ وقت پر ۔۔۔ خوشی خوشی سر انجام دے رہے تھے ۔۔۔۔

چند دن انہیں ٹائم ٹیبل پر عمل کروانے کے لیۓ بار بار یقین دہانی کروانی پڑی ۔۔۔۔ مگر جلد ہی وہ سب ۔۔۔۔ جیسے ان کی زندگی کا حصہ بن گیا ۔۔۔۔ 

ذہن سازی ایک نہایت اہم چیز ہے ۔۔۔۔ آپ کا ذہن تیار نہ ہو ۔۔۔ ایک دم سے مہمان آجائیں ۔۔۔۔ تو کیسی ہی حوصلہ مند عورت کیوں نہ ہو ایک لمحہ کے لیۓ گھبرا جاتی ہے ۔۔۔۔ تو پھر ننھے پھول ۔۔۔۔ ہم ان سے کیسے یہ امید رکھتے ہیں کہ ان کی پہلے سے ذہن سازی ۔۔۔ ذہنی تیاری کے بغیر ہی ہم اپنی مرضی کے کام ان پر تھوپتے چلے جائیں ۔۔۔۔ اور وہ بے چارے مانتے بھی جائیں۔۔۔۔

جب ان سے کمٹمنٹ کر لی جائے ۔۔۔ ان کا ذہن تیار کرلیا جائے ۔۔۔۔ تو ان کے لیۓ بھی عمل آسان ہو جاتا ہے ۔۔۔۔ اور پھر وہ پھول بھی خواہ مخواہ اپنے بڑوں کو کب تنگ کرنا چاہتے ہیں ۔۔۔۔ 

اور اب ثانیہ اپنے بچوں کو ٹیبل پر جھک جھک کر ۔۔۔۔ اپنی ٹائم پلان کو چیک کرتے دیکھتی ہے تو مسکرا کر ۔۔۔۔ زیرِ لب گنگناتی ہے ۔۔۔۔ 

*پھلا پھولا رہے یا رب ۔۔۔۔ چمن میری امیدوں کا ۔۔۔۔* 

*جگر کا خون دے دے کر ۔۔۔۔ یہ بوٹے میں نے پالے ہیں ۔۔۔۔*

 فـکرِاِنسانیـت:

🌷🌷🌷🌷🌷

_______________________